روسی سفیر ترکی کے دارلحکومت انقرہ میں قاتلانہ حملے میں ہلاک ہوگئے ہیں۔ عرب نیوز کی جانب سے موصول ہونے والی اطلاعات کے مطابق ترک میڈیا کی جانب سے بتایا گیا ہے کہ ترکی کے دارلحکومت انقرہ میں روسی سفیر اندریے کارلوف کو گولی مار دی گئی۔
روسی سفیر انقرہ میں منعقدہ فن پاروں کی نمائش میں شرکت کر رہے تھے۔ روسی سفیر جیسے ہی تقریب سے خطاب کرنے کیلئے اسٹیج پر آئے تو ایک مسلح شخص نے فائرنگ کھول دی۔ فائرنگ کے باعث روسی سفیر اور 3 افراد شدید زخمی ہوگئے۔ روسی سفیر اور زخمیوں کو فوری ہسپتال لے جایا گیا تاہم روسی سفیر زخموں کی تاب نہ لاتے ہوئے جان کی بازی ہار بیٹھے۔ جبکہ سیکورٹی فورسز نے جوابی فائرنگ میں حملہ آور کو ہلاک کر دیا۔
Thanxs for ur feedback....
EmoticonEmoticon