راولپنڈی(نیوزڈیسک)پاک فوج کے شعبہ تعلقات عامہ آئی ایس پی آر کے نئے ڈی جی میجر جنرل آصف غفور نے عہدے کا چارج سنبھال لیا ، اپنے پہلے ٹوئٹ میں انہوں نے سابق ڈی آئی ایس پی آر لیفٹیننٹ جنرل عاصم سلیم باجوہ کی خدمات کو خراج تحسین پیش کرتے ہوئے کہاکہ پاک فوج زندہ باد ، پاکستان پائندہ باد ۔ تفصیلات کے مطابق پاک فوج کے نئے ترجمان میجر جنرل آصف غفور نے ڈی جی آئی ایس پی آرکے عہدے کا چارج سنبھال لیا ۔ میجر جنرل غفور نے سماجی رابطوں کی ویب سائٹ پر اپنے پہلے ٹوئٹ میں کہا لیفٹیننٹ جنرل عاصم باجوہ کے تعاون کا شکریہ ، عاصم سلیم کی خدمات قابل تعریف ہیں ۔انہوں نے ٹوئٹ میں مزید کہا کہ پاکستانی مسلح افواج زندہ باد، پاکستان زندہ باد۔ جبکہ سابق ڈی جی آئی ایس پی آر لیفٹیننٹ جنرل عاصم سلیم باجوہ نے میڈیا کے تعاون پر شکریہ ادا کرتے ہوئے کہا کہ 4سال 7ماہ تک پاک فوج کا ترجمان رہنے پر فخر ہے ، ہم دنیا کی بہترین قوم ہیں ،ہماری مسلح افواج ناقابل تسخیر ہیں ،سب کا بالخصوص میڈیاکے غیر متذلزل حمایت پر شکریہ ۔انہوں نے کہا کہ پوری دنیا پاک فوج کی مہارت کو تسلیم کرتی ہے ،دہشت گردی کے خلاف جنگ میں پاک فوج کا نمائندہ بننے پر فخر ہے ،عاصم سلیم باجوہ نے نئے ڈی جی آئی ایس پی آر کے لئے نیک خواہشات کا اظہاربھی کیا۔
Thanxs for ur feedback....
EmoticonEmoticon