چنیوٹ فیصل آباد )نمائندہ خصوصی( حساس ادارے کے ملازم نے بیوی کو طلاق دینے کے تین روز بعد 5کمسن بچوں کو گلا دبا کر قتل کرکے خود کشی کر لی۔ المناک سانحہ پر علاقہ میں سوگ کی فضا پھیل گئی۔ پولیس نے تمام 6افراد کی نعشیں تحویل میں لے کر کارروائی شروع کر دی ہے۔ تفصیلات کے مطابق ضلع چنیوٹ کے تھانہ محمد والا کے علاقہ دیال والا کا موضع حاجی عثمان کا رہائشی محمد حسین حساس ادارے میں ملازم تھا۔ ایک ماہ قبل اسکی بیوی روٹھ کر میکے چلی گئی تھی۔ وہ 2دسمبر کو چھٹی پر گھر آیا تو آتے ہی اپنی اہلیہ نازیہ سے کسی بات پر جھگڑا ہو گیا تو اگلے روز اس نے بیوی کو طلاق ے دی جس کے بعد وہ شدید ذہنی پریشانی کا شکار تھا۔ گزشتہ رات کے آخری پہر اس نے کمرے میں سوئے ہوئے اپنے بچوں ساڑھے 3سالہ نعمان ‘ 5سالہ سبحان ‘ 6سالہ شہزاد ‘ 8سالہ وقاص اور دس سا لہ بیٹی اقراءکو یکے بعددیگرے لوہے کی تار سے گلا دبا کر قتل کرکے خود بھی کمرہ میں چھت کے پنکھے کے ساتھ پھندا لگا کر خودکشی کر لی۔ واقعہ کی اطلاع صبح ہمسایوں کے جاگنے سے ہوئی تو پولیس کو بلایا گیا۔ اطلاع ملتے ہی سینکڑوں لوگ موقع پر جمع ہو گئے۔ پولیس نے نعشیں تحویل میں لے کر پوسٹمارٹم کے بعد ورثاءکے حوالہ کردیں اور مقدمہ درج کرکے کارروائی شروع کر دی ہے۔ اطلاع ملتے ہی علاقہ میں کہرام مچ گیا۔ نازیہ نے اس واقعہ کا ذمہ دار اپنے سسرالیوں کو بنایا ہے۔یہ بھی معلوم ہوا ہے کہ محمد حسین کے جیب سے ایک لاکھ بیس ہزار کے قرضہ جات کی رسیدیںبھی برآمد ہوئیں۔
Thanxs for ur feedback....
EmoticonEmoticon