نئی دہلی)این این آئی(بھارت میں پاکستان کے متعین ہائی کمشنرعبدالباسط نے کہاہے کہ ہماری نئی امریکی انتظامیہ سے توقعات ہیں کہ وہ کشمیرکے ایشوپراپناکرداراداکریگی، پاکستان نے دوطرفہ مذاکرات کے ذریعے مسئلہ کشمیر حل کرنے کی کوششیں کیں تاہم بھارت تیارنہیں ہے۔ایک انٹرویو میں انہوںنے کہا کہ 8جولائی سے جموں کشمیرمیں بھارتی فورسزکی فائرنگ سے سوسے زائدکشمیری شہیداورسینکڑوں زخمی ہوگئے۔انہوں نے کہاکہ پاکستان کابھارت کے ساتھ بنیادی ایشو کشمیر ہے، کشمیرکے ایشوپرپاکستان نے دوطرفہ مذاکرات کے ذریعے سے حل کرنے کی کوششیں کیں تاہم بھارت تیارنہیں ہے۔ انہوں نے کہاکہ نئی امریکی انتظامیہ سے بہت توقعات ہیں کیونکہ نومنتخب امریکی صدرڈونلڈٹرمپ نے بھارت کے ساتھ تنازعات کوحل کرنے میں کرداراداکرنے کی خواہش کا اظہار کیا، ہم اسے خوش آمدیدکہیں گے۔انہوں نے کہاکہ ہماری ہمیشہ سے ضرورکوشش ہے کہ امریکہ پاکستان، بھارت تنازعات کے حل میں کرداراداکرے ،امریکہ کے جنوبی ایشیا میں مفادات ہیں ،دوسری جانب بھارت نے ہمیشہ سے ثالثی کی مخالفت کی ہے اورنہ بھارت پاکستان کے ساتھ نتیجہ خیز مذاکرات کیلئے تیارہے ،گزشتہ سال بھارتی وزیرخارجہ سشما سوراج کے پاکستان کے دورے کے موقع پر دوطرفہ مذاکرات کرنے کا عہد کیا گیا تھا لیکن وہ وعدہ پورانہ ہو سکا۔
Thanxs for ur feedback....
EmoticonEmoticon